.. ഒരാളെ വേണോയെന്നും വേണ്ടായെന്നും തീരുമാനമെടുക്കുന്നത് … എന്തോ ഒരിഷ്ടമോ സഹതാപമോ തോന്നി തന്‍റെ മനസിലെ പെണ്ണിനെ കുറിച്ച് അന്നവളോട്പറഞ്ഞു … ഇന്നാണ് അവള്‍ എന്ത് കൊണ്ടങ്ങനെ വാശി പിടിച്ചുവെന്നു മനസിലാക്കുന്നത് … സ്നേഹിക്കാന്‍ ആരുടെയും സമ്മതം വേണ്ടല്ലോ … സ്നേഹം കിട്ടാന്‍ അല്ലെ അവരുടെ സമ്മതം വേണ്ടത് …താന്‍ ഇപ്പോഴും അവളെ സ്നേഹിക്കുന്നു . അതെ പോലെയാവും മിന്നുവും
ഒരാഴ്ച കഴിഞ്ഞു ..
ഒരു ദിവസം അനില്‍ തന്‍റെ കാറില്‍ ടൌണിലേക്ക് പോയി .. സ്കൂള്‍ ലൈബ്രറിയിലേക്കും അല്ലാതെയും കുറച്ചേറെ സാധനങ്ങള്‍ വാങ്ങാന്‍ ഉണ്ടായിരുന്നു … ടൌണില്‍ ചെന്ന് പര്‍ച്ചേസ് കഴിഞ്ഞപ്പോള്‍ സ്കൂള്‍ ലൈബ്രേറിയനും അനിലിന്‍റെ അടുത്തെത്തി …
‘ സാറെ … ഒന്നു രണ്ടു ബുക്ക് കൂടി കിട്ടാനുണ്ട് … റഫറന്‍സിന് വേണമെന്ന് ടീച്ചേര്‍സ് പറഞ്ഞു വിട്ടതാ …”
‘ ഒരിടത്തും ഇല്ലേ ടോമിച്ചാ ?’
” ഇല്ല ..എല്ലായിടത്തും നോക്കി ..പക്ഷെ ?’
” എങ്കില്‍ വല്ല ഓണ്‍ലൈന്‍ സൈറ്റിലും നോക്കാം ..താന്‍ കയറ്’
” സാറേ ഇവിടെയടുത്തൊരു സ്ഥലത്തുണ്ടാവാന്‍ ചാന്‍സുണ്ട് ..പക്ഷെ ..”
‘ ഹ്മം …എന്ത് പക്ഷെ ?
ഉണ്ടെങ്കില്‍ അവിടെ നിന്ന് വാങ്ങണം ..അത്ര ആവശ്യമാണെങ്കില്‍”
” അല്ല .സാറേ … അത് ബുക്ക് സ്റ്റാള്‍ അല്ല .. ഒരു ബോട്ടിക് ആണ് …പക്ഷെ അവരുടെ ലൈബ്രറിയില്‍ റെയര്‍ കളക്ഷന്‍സ് ഉണ്ട് .. പണ്ടൊരിക്കല്‍ ഇതേ പോലൊരു ബുക്ക് അവിടെ നിന്നാണ് മേടിച്ചത് ..അവരത് വില്‍ക്കില്ല ..തിരികെ കൊടുക്കണം ‘
‘അതിനെന്താ ? നമുക്കത് കോപ്പി എടുത്തിട്ട് മടക്കി കൊടുക്കാം .. എവിടാ ആ സ്ഥലം ?’
” അത് ..പിന്നെ സാറെ …ഉള്ളത് പറയാല്ലോ .. നമുക്കൊന്നും അവിടെ പോകാന്‍ പറ്റുന്ന സ്ഥലമല്ല …”
” താന്‍ പണ്ട് പോയി എന്ന് പറഞ്ഞതോ ? എന്താ ആ സ്ഥലത്തിന്‍റെ കുഴപ്പം “
” അത് സാറേ .. എങ്ങനയാ അവിടെത്തെ പരിപാടി എന്നൊക്കെ അറിയാന്‍ പോയതാ …സാറിനെ പോലെയോരാള്‍ക്ക് കയറാന്‍ പറ്റിയ സ്ഥലമല്ല ..’
‘ എന്താ ടോമിച്ചാ .. വല്ല മസ്സാജ് പാര്‍ലറോ അങ്ങനെ വല്ല സെറ്റപ്പാണോ?’
‘ ഏതാണ്ട് അങ്ങനെയൊക്കെ തന്നെ സാറേ … പക്ഷെ വല്യ വീട്ടിലെ ആള്‍ക്കരോക്കെയാ അവിടെ വരുന്നേ … പുറമേ നിന്ന് നോക്കിയാല്‍ ലേഡീസ് ബോട്ടിക് .. ലേഡീസ് ഒക്കെ നേരെ വന്നു കയറും … പിന്നെ ആവശ്യക്കാര് ആണുങ്ങള് പുറകിലൂടെ ഒരു വഴി ഉണ്ട് … വേശ്യാലയം ഒന്നുമല്ല …. പുറത്തെ
