തുടങ്ങി.
"ഇപ്പം രാത്രി ആയില്ലേ, നാളെ ആകട്ടെ", അച്ചായൻ പറഞ്ഞു. "എന്നാൽ ശരി. അച്ചായൻ പറഞ്ഞാൽ ഓക്കേ", പയസ് വീണ്ടും വലിച്ച് കയറ്റികൊണ്ട് പറഞ്ഞു.
"എന്താടാ റോണി നീ ഒന്നും മിണ്ടാതെ ഇരിക്കുന്നത്?", അച്ചായൻ ചോദിച്ചു. "ഞാൻ ചിന്തിക്കുക ആയിരുന്നു, അച്ചായാ", റോണി പറഞ്ഞു.
"എന്ത്?", അച്ചായൻ ചോദിച്ചു. "അതിനെക്കുറിച്ചാ ചിന്തിക്കുന്നത്", റോണി പറഞ്ഞു. "എന്തിനെക്കുറിച്ച്?", അച്ചായൻ വീണ്ടും ചോദിച്ചു.
"എന്ത് ചിന്തിക്കണം എന്നതിനെക്കുറിച്ചും ചിന്തിക്കുക ആയിരുന്നു", റോണി പറഞ്ഞു.
"ഓ അങ്ങനെ. ശരി, നീ ചിന്തിക്ക്", അച്ചായൻ ചിരിച്ചുകൊണ്ട് പറഞ്ഞു. മുത്തു ഒന്ന് നോക്കിയതേയുള്ളു. അവനു ഇത് പുത്തരിയല്ലല്ലോ. അച്ചായന്റെ എത്ര ഫ്രണ്ട്സ് ഇത് പോലെ വന്നു പോയിരിക്കുന്നു.
"എടാ പിള്ളേരെ, ഞാൻ കിടക്കാൻ പോകുവാ. മുത്തു ഇവിടെ ഉണ്ട്. എന്തെങ്കിലും ആവശ്യം ഉണ്ടെങ്കിൽ അവനോട് പറഞ്ഞാൽ മതി", അച്ചായൻ പറഞ്ഞു.
"ശരി, അച്ചായാ. അച്ചായൻ ആണ് ഞങ്ങളുടെ ദൈവം", മാത്തൻ വീണ്ടും പറഞ്ഞു.
"ശരി ശരി. ഗുഡ് നൈറ്റ്", അച്ചായൻ കയറിപ്പോയി. "എടാ മുത്തു, ഒരു കണ്ണ് വേണം" എന്ന് മുത്തുവിനോട് പറഞ്ഞിട്ടാണ് അച്ചായൻ പോയതും.
പിറ്റേ
ദിവസം രാവിലെ പീറ്ററും കൂട്ടുകാരും കണ്ണ് തുറന്നിട്ട് കുറച്ച് നേരത്തേക്ക് എവിടെയാണ് ഒരു എത്തും പിടിയും കിട്ടിയില്ല. "കെട്ട് വിട്ടില്ലേടാ?", അച്ചായന്റെ ചോദ്യം കേട്ട് പീറ്റർ നോക്കിയപ്പോൾ അച്ചായൻ കാപ്പിയും കുടിച്ചോണ്ട് മുറ്റത്തു നിൽക്കുന്നു.
"തലയ്ക്ക് ഒരു കനം", പീറ്റർ പറഞ്ഞു. "മുത്തു, ഇവന്മാർക്കെല്ലാം കുടിക്കാൻ കൊടുക്ക്", അച്ചായൻ പറഞ്ഞു.
മുത്തു ഓരോ കപ്പുകളിൽ എന്തോ കുടിക്കാൻ കൊണ്ട് വന്നു. ഒന്ന് രുചിച്ച് നോക്കിയിട്ട് പീറ്റർ പറഞ്ഞു, "ഇത് ഒരുമാതിരി ചവർപ്പാണല്ലോ, അച്ചായാ".
"എടാ, ഇത് ഇവിടെ ആദിവാസികളുടെ ഒരു ഡ്രിങ്ക് ആണ്. കഞ്ചാവിന്റെ കെട്ടിന് ഉള്ളതാ. കുടിച്ചോ, ഇല്ലെങ്കിൽ ഇന്നത്തെ ദിവസം പോക്കാ".
അച്ചായൻ പറഞ്ഞപ്പോൾ എല്ലാവരും ഒറ്റവലിക്ക് കുടിച്ചിറക്കി. കുറെ നേരം കഴിഞ്ഞു എല്ലാവർക്കും ഒരു മാറ്റം വന്നു.
"ഒന്ന് പോയി കുളിച്ചിട്ടും കൂടെ വാ. അപ്പോഴേക്കും നോർമൽ ആകും. അപ്പോഴേക്കും നിങ്ങൾക്ക് ഒരു സർപ്രൈസ് ഉണ്ട് ", അച്ചായൻ ചിരിച്ചോണ്ട് പറഞ്ഞു.
എല്ലാവരും പോയി കുളിച്ച് വന്നപ്പോൾ അച്ചായൻ വരാന്തയിൽ ഇരിപ്പുണ്ട്.
"ഇരിക്ക്, കാപ്പി കുടിക്കാം ", അച്ചായൻ