നിൽക്കും, അല്ലേടാ?", അച്ചായൻ ചോദിച്ചു.
"അത് പറയാനുണ്ടോ, അച്ചായാ", പീറ്റർ വീണ്ടും കുടിച്ചിട്ട് അൽപ്പം ഇറച്ചി വറുത്തതും കൂടി വായിലിട്ട് ചവച്ചുകൊണ്ട് പറഞ്ഞു. മാത്തൻ പീറ്ററിനെ തൊണ്ടിയിട്ട് പറഞ്ഞു, "എടാ.. ചോദിക്ക്".
അത് കണ്ട അച്ചായൻ ചോദിച്ചു, "എന്താടാ മാത്താ ഒരു രഹസ്യം?". "അല്ല അച്ചായാ… അവൻ ചോദിക്കുന്നത് ഗോൾഡ് ഇല്ലേ എന്നാണ്. ഇടുക്കി ഗോൾഡ്", പീറ്റർ പറഞ്ഞു.
"ഹ ഹ ഹ ഹ.. അപ്പോൾ നിങ്ങൾ വന്നത് കാനന ഭംഗി ആസ്വദിക്കാൻ ഒന്നുമല്ല, അല്ലെ?", അച്ചായൻ ചിരിച്ചുകൊണ്ട് ചോദിച്ചു. "അല്ല അച്ചായാ", പീറ്റർ നിർത്തി.
"ഞാൻ ചുമ്മാ പറഞ്ഞതാടാ. സാധനം നിങ്ങൾക്ക് തരാതെ ഇരിക്കുമോ?", അച്ചായൻ പറഞ്ഞപ്പോൾ എല്ലാവർക്കും സന്തോഷം ആയി. "എടാ മുത്തു", അച്ചായൻ വിളിച്ചപ്പോൾ മുത്തു ഇറങ്ങി വന്നു.
"കുറച്ച് സാധനം ഇങ്ങെടുത്തേ", അച്ചായൻ പറഞ്ഞു. മുത്തു കയറിപ്പോയി ഒരു ചെറിയ തുണിക്കെട്ടുമായി ഇറങ്ങി വന്നു. അത് മേടിച്ച് അച്ചായൻ തുറന്നു. നല്ല ഒരു മണം അവിടെ പരന്നു. എല്ലാവരും അതിലേക്കു നോക്കി. സാക്ഷാൽ നീല ചടയൻ. കേട്ടറിവ് മാത്രം ഉള്ള സാധനം.
"ഇത് നീല അല്ലല്ലോ, അച്ചായാ?", പയസ് ചോദിച്ചു. "എടാ.. അതിന്റെ ക്വാളിറ്റി
ആണ് നീലയെന്നു പറയുന്നത്", അച്ചായൻ പറഞ്ഞു.
"മുത്തു, ഒന്ന് റെഡിയാക്ക്", അച്ചായൻ പറഞ്ഞപ്പോൾ മുത്തു പണി ആരംഭിച്ചു. എല്ലാവരും അത് നോക്കിയിരുന്നു. പുകയില നീളത്തിൽ കട്ട് ചെയ്തു അതിൽ നീല ചടയൻ പൊടിച്ച് നിറച്ചു. ഇല ചുരുട്ടി തെറുത്ത് നൂല് കെട്ടി എടുത്തു. അച്ചായൻ എല്ലാവർക്കും ഓരോന്ന് എടുത്തു കൊടുത്തു.
"പിടിപ്പിച്ചോടാ പിള്ളേരെ", അച്ചായൻ പറഞ്ഞു. എല്ലാവരും ബീഡി കത്തിച്ച് പുക അകത്തേക്ക് വലിച്ച് കയറ്റി പുറത്തേക്കു വിട്ടു. ഒന്ന് രണ്ടു പഫ് കഴിഞ്ഞപ്പോഴേക്കും പലർക്കും പലതും തോന്നാൻ തുടങ്ങി.
മാത്തൻ പറഞ്ഞു, "അച്ചായാ.. അച്ചായൻ ഞങ്ങളുടെ ദൈവമാ. അച്ചായന് സ്തോത്രം ആയിരിക്കട്ടെ."
"ആയിക്കോട്ടെ.. ആയിക്കോട്ടെ", അച്ചായൻ പറഞ്ഞു. പയസ് ചുമ്മാ ഇരുന്ന് ചിരിക്കാൻ തുടങ്ങി.
"ഹ ഹ ഹ.. ഈ കുതിര ഇവിടുത്തെ ആണോ അച്ചായാ?", പയസ് ചോദിച്ചു.
"ഏതു കുതിര?", അച്ചായൻ ചോദിച്ചു.
"ആ നിൽക്കുന്ന വെളുത്ത കുതിര", പയസ് പുറത്തേക്ക് ചൂണ്ടി പറഞ്ഞു. "ആ.. അതോ? അത് ഇവിടുത്തെയാ. നല്ല കുതിര അല്ലേടാ പയസെ?", അച്ചായൻ ചോദിച്ചു.
"അതെ അച്ചായാ.. എന്ന എടുപ്പാ അവന്. എനിക്ക് ഒന്ന് കയറണം അച്ചായാ", അവൻ എഴുന്നേൽക്കാൻ