കൊണ്ട് കെട്ടിക്കണം കുറെ സ്വർണ്ണവും എല്ലാം കൊടുത്ത് അതിന് അവിടെ എന്ത് കഷ്ടപ്പാട് ആണെങ്കിലും പിടിച്ചു നിക്കണം എന്ന നിശ്‌ചയിച്ചു ഉറപ്പിച്ചു ഞാൻ മുകളിൽ കൂടി പറക്കുന്നത് മാത്രം കണ്ടിട്ടുള്ള വിമാനത്തിന്റെ ഉള്ളിലേക്ക് വലതു കാൽ എടുത്ത് വെച്ചു………..
അവിടുത്തെ എയർപോർട്ടിൽ ഇസ്മായിലും അവന്റെ രണ്ട് കൂട്ടുകാരും പുറത്ത് തന്നെ ഉണ്ടായിരുന്നു… അത് വരെ ഉണ്ടായിരുന്ന ടെൻഷൻ അവരെ കണ്ടപ്പോ പകുതി ആയി…. റൂമിലേക്കുള്ള യാത്രയിൽ റോഡരികിൽ ഉള്ള വലിയ ബിൽഡിങ്ങുകളും വില കൂടിയ കാറുകളും ആദ്യമായി എത്തുന്ന ഏതൊരു ആളിനെ പോലെയും ഞാനും നോക്കി ഇരുന്നു…. അന്നത്തെ ദിവസം ഇസ്മായിലിന്റെ മുറിയിൽ തങ്ങി… പിറ്റേന്ന് ഉച്ചയാകുമ്പോ തന്നെ വിളിക്കാൻ കഫീൽ തന്നെ വരുമെന്ന് അവൻ പറഞ്ഞു…. യാത്ര ഷീണം നല്ലവണ്ണം ഉണ്ടായിരുന്ന ഞാൻ പിറ്റേന്ന് എണീകുമ്പോ തന്നെ പതിനൊന്ന് മണി ആയിരുന്നു….. എഴുന്നേറ്റത് കണ്ട എന്നോട് ഇസ്മായിൽ പറഞ്ഞു….
"അടിപൊളി ആയി ഉറങ്ങിയല്ലോ….???
"ആടാ…."
"എന്ന റെഡി ആയിക്കോ കഫീൽ വിളിച്ചിരുന്നു അയാളിപ്പോ എത്തും…."
അത് കേട്ട എന്റെ ഉള്ള് പെരുമ്പാറ കൊട്ടും പോലെ അടിക്കാൻ
തുടങ്ങി…..
"നീ പേടിക്കണ്ടട സംസാരം കേട്ടിട്ട് നല്ല മനുഷ്യൻ ആണെന്ന തോന്നുന്നെ…."
"ഉം…"
വെറുതെ ഒന്ന് മൂളി കൊണ്ട് ഞാൻ ബാത്‌റൂമിൽ കയറി ഫ്രഷായി… അപ്പോഴേക്കും അവൻ ചോറും കറിയും വിളമ്പി വെച്ചിരുന്നു അതും അടിച്ച് ഒരു സിഗരറ്റ് വലിച്ചു നിക്കുമ്പോ അവൻ അടുത്ത് വന്ന് ഒരു സിം കാർഡും കുറച്ചു പൈസയും തന്നു… വാങ്ങാൻ മടിച്ച എന്നെ നിർബന്ധിപ്പിച്ച് അവൻ തന്നിട്ട് പറഞ്ഞു….
"ആദ്യമായി അല്ലെ…. ഭാഷ മനസ്സിലാക്കാനും ഇവിടെ പൊരുത്തപ്പെടാനും സമയം എടുക്കും…. നാട്ടിലെ അവസ്ഥ ആലോചിച്ചു പിടിച്ചു നിക്ക് എല്ലാം ശരിയാകും…."
അത് കേട്ടപ്പോ കരച്ചിലും പിന്നെ ഒരു ശക്തിയും എനിക്ക് കിട്ടി…. റൂമിന്റെ പുറത്ത് കാറിന്റെ ഹോണ് കേട്ട് അവൻ വാതിൽ തുറന്നു…. തിരിച്ച് വന്ന് എന്നോട് പറഞ്ഞു ….
"ടാ അയാൾ വന്നിട്ടുണ്ട്…."
തലയാട്ടി ഞാൻ യാന്ത്രികമായി എന്റെ ബാഗും എടുത്ത് പുറത്തേക്കിറങ്ങി…. എന്നെ കെട്ടിപ്പിടിച്ച് അവനൊന്ന് തെങ്ങിയോ….. ഇല്ല ഞാൻ അവന്റെ മുഖത്തേക്ക് നോക്കിയില്ല…. ചിലപ്പോ കരഞ്ഞു പോകും…. ചിലപ്പോഴല്ല എന്തായാലും കരയും…. വണ്ടിയിൽ നിന്നും വെള്ള ടോപ്പും കയ്യിൽ ഒരു ദസവി
