പിന്നെ ഡൈനിങ് ടേബിളിൽ ഉണ്ടായിരുന്ന നാൻസി, റിൻസി ചേച്ചിയുടെ അനിയത്തിയാണ്. ഇടയ്ക്ക് ഇവിടെ വീട്ടിൽ വന്ന് നിൽക്കാറുണ്ട്. അവളും എഞ്ചിനീയറിംഗ് വിദ്യാർത്ഥി തന്നെ.
പിന്നെ ഞാൻ, എന്റെ കാര്യം നിങ്ങൾ കേട്ടല്ലോ… ഒന്നുമായില്ല.. പഠിപ്പു മുഴുവൻ പാതിവഴിയിൽ ഉപേക്ഷിച്ചു നടക്കുന്ന ഒരു ഉഴപ്പൻ. പഠനത്തിനോടൊന്നും എനിക്ക് താത്പര്യമുണ്ടായിരുന്നില്ല. താല്പര്യമുണ്ടായിരുന്നത് ഫിലിം ഫീൽഡ് ആയിരുന്നു. അതിനൊട്ട് വീട്ടിൽ നിന്ന് വിടുകയുമില്ല. പിന്നെ ഒരു ബിസിനസ് തുടങ്ങണമെന്നുണ്ടാർന്നു. പക്ഷെ അതിനിപ്പോ അപ്പച്ചൻ ക്യാഷ്ഉം തരുന്നില്ല.
ഒരു പഠിപ്പി കുടുംബത്തിൽ വന്ന് പെട്ട ഗതഭാഗ്യവാനായ ഉഴപ്പനായിരുന്നു ഞാൻ. ഏട്ടനും അനിയത്തിയും പുസ്തക പുഴുക്കളായിരുന്നു. അതുകൊണ്ട് തന്നെ എല്ലാവർക്കും അവരെക്കുറിച്ചു നല്ല മതിപ്പായിരുന്നു. പോരാത്തതിന് ഏട്ടൻ വിവാഹം ചെയ്തതും ഒരു പഠിപ്പിയെ തന്നെ. റിൻസി ചേച്ചിയും കൂടി വീട്ടിലെത്തിയതോടെ എന്നോടുള്ള പുച്ഛം എല്ലാവർക്കും കൂടി. ചെറുപ്പം മുതലേ തന്നെ വീട്ടുകാരുടെ കണ്ണിൽ കരട് ഞാനായിരുന്നു. ഭാഗ്യത്തിന് ഏട്ടൻ
വീട്ടിൽ നിന്ന് ചെന്നൈയിലേക്ക് പോയതോടെ ഒരു പാര പോയി കിട്ടി. റിൻസി ചേച്ചിക്ക് ഇവിടെ എന്തോ ജോലി തരപ്പെട്ടിട്ടുണ്ട്, അല്ലെങ്കിൽ ആ പാര കൂടി ഏട്ടന്റെ ഒപ്പം പോയാനെ.
പിന്നെ ഉള്ള അനിയത്തി ജെസ്ന, ഓഹ് ഇപ്പോളത്തെ മെയിൻ പാര അവളാണ്. വീട്ടിലെ പുന്നാര പുത്രിയല്ലേ. കൂടാത്തതിന് പഠിച്ച സ്കൂളിൽ എല്ലാം ഒന്നമായതായോടെ അപ്പച്ഛന്റേം അമ്മച്ചിയുടേം കണ്ണിലുണ്ണി.കിട്ടുന്ന അവസരങ്ങളിൽ എല്ലാം തന്നെ അവൾ എനിക്കിട്ടു പാര വയ്ക്കും. ഇന്നു തന്നെ മരിയ വിളിച്ചു പറഞ്ഞതിൽകൂടി കുറച്ചു കൈയ്യിൽ നിന്നും എടുത്തിട്ടാണ് ജെസ്ന എന്നെ നാണം കെടുത്തിയത്. ഞാൻ മരിയയെ പ്രൊപ്പോസ് ചെയ്യുക മാത്രമല്ല അവളോട് എന്റെ കൂടെ കിടക്കാൻ വിളിച്ചു എന്ന് ഞാൻ പറയാത്ത കാര്യം കൂടി ചേർത്താണ് എന്റെ പുന്നാര പെങ്ങൾ എന്റെ തന്തയോടും തള്ളയോടും പറഞ്ഞത്.
ഈ തൊലിഞ്ഞവളുടെ ഫ്രണ്ട് ആണ് മരിയ എന്നറിഞ്ഞിരുനെങ്കിൽ ഞാൻ പ്രൊപ്പോസ് ചെയ്യാൻ പോയിട്ട് അവളുടെ ഏഴരികിൽ കൂടി നടക്കില്ലായിരുന്നു. വിശപ്പ് മാറിയിട്ടില്ലാത്തതു കൊണ്ട് തലയിണയിൽ മുഖവുംഅമർത്തി കമഴ്ന്നു കിടന്ന് ഞാൻ എപ്പോളോ ഉറങ്ങിപോയിരുന്നു.
"ഓഹ്