… ഒരു കിതപ്പോടെ കിച്ചേട്ടൻ കട്ടിലിലേക്ക് മറിയുമ്പോൾ ഞാനാ നെഞ്ചിലേക്ക് കയറി കിടന്നു… ആ ഹൃദയത്തിന്റെ താളഗതി കേട്ടു….." കിച്ചേട്ടന് എന്നോടിപ്പോഴും ദേഷ്യമുണ്ടോ….? "
കിതപ്പൊന്നടങ്ങിയപ്പോൾ ഞാൻ ചോദിച്ചു.
" എന്തിന്….? "
" ഞാനന്ന് അങ്ങനെ ഒക്കെ പറഞ്ഞതിന്.. കിച്ചേട്ടനു ദേഷ്യം വന്നത് കൊണ്ടല്ലേ എന്നെ തല്ലിയത്…? "
" ഹേയ്… ശെരിക്കും ഞാൻ അല്ലെ തെറ്റ് ചെയ്തത്.. എന്തായിരുന്നാലും ഞാൻ നിന്നെ തല്ലേണ്ടിയിരുന്നില്ല….സോറി…. "
" അങ്ങനെ ഒന്നും പറയല്ലേ കിച്ചേട്ടാ… ഞാനാ എല്ലാം തുടങ്ങി വച്ചതു.. ഞാൻ അങ്ങനെ ഒക്കെ പറഞ്ഞത് കൊണ്ടാ…… "
" സാരമില്ല പോട്ടേ… "
" ഇനി നമുക്ക് വഴക്ക് ഇടണ്ടട്ടോ കിച്ചേട്ടാ…. ഒരിക്കലും.. എന്തുണ്ടെലും നമുക്ക് ഇതുപോലെ പറഞ്ഞു തീർക്കണം… "
" നീയല്ലേ ആള് നടന്നത് തന്നെ… "
" ഇല്ല. ഞാൻ നന്നായി.. എനിക്ക് എന്റെ കിച്ചേട്ടനെ വിശ്വാസമാ… ഞാൻ ഇനി ഒന്നും പറയില്ല…. "
കൊഞ്ചലോടെ പറഞ്ഞു നിർത്തി ഞാൻ കിച്ചേട്ടന്റെ ദേഹത്തേക്ക് ചാഞ്ഞു..അത് അംഗീകരിച്ചു എന്നപോലെ കിച്ചേട്ടനെന്നെ ചേർത്തു പിടിച്ചു…… കിച്ചേട്ടന്റെ ശ്വാസഗതിക്കൊപ്പം ഞാനും ഉയർന്നു
താഴാൻ തുടങ്ങി. പതിയെ കിച്ചേട്ടന്റെ ചൂടും പറ്റി ഉറക്കത്തിലേക്കു വഴുതി വീണു ഒരു ചെറു പുഞ്ചിരിയോടെ.
പെട്ടന്ന് ഉറക്കം കെടുത്തുന്ന ശബ്ദവും ആയി ഫോൺ ഉച്ചത്തിൽ ശബ്‌ദിച്ചു… ഞെട്ടി എഴുന്നേറ്റു ഒരു നിമിഷം കൊണ്ട് ചാടി കിച്ചേട്ടൻ എന്റെ ഫോൺ എടുത്തു..
" ചേച്ചിയാണ്….. "
അതു പറഞ്ഞു കിച്ചേട്ടൻ ഫോൺ അറ്റന്റ് ചെയ്തു ലൗഡ്സ്പീക്കറിൽ ഇട്ടു….
" ഹലോ… "
" നീ ഇതെവിടെയാടീ പെണ്ണെ…. നിന്നെ തിരയാനിനി ഇവിടെ ഒരിടം ബാക്കി ഇല്ല…. "
എന്റെ ശബ്ദം കേട്ടതേ കുഞ്ഞേച്ചിയുടെ ശബ്ദം ഫോണിൽ ഉയർന്നു കേട്ടു.
" ചേച്ചി എന്തിനാ എന്നോട് ചൂടാവുന്നെ… ഞാൻ വേറെ ആരുടേം കൂടെ അല്ല… എന്റെ കെട്ട്യോന്റെ കൂടെ എന്റെ വീട്ടില…. "
" ഇത് നല്ല കൂത്തു…. പോവുമ്പോൾ എന്ന നിനക്ക് ഒക്കെ ഒന്നു പറഞ്ഞിട്ട് പോയി കൂടെ….. "
" ചേച്ചിക് ഇപ്പോൾ എന്താ വേണ്ടേ… "
" എനിക്ക് ഒന്നും വേണ്ടായേ…. ഈ തലതെറിച്ച പെണ്ണ് എവിടെ പോയി എന്നറിയാതെ പേടിച്ചു ദേ.. അമ്മ പറഞ്ഞിട്ട് വിളിച്ചത ഞാൻ….. "
ചേച്ചി നല്ല കലിപ്പിൽ ആണെന്ന് തോന്നുന്നു.. ശബ്ദത്തിനൊക്കെ വല്ലാത്ത കനം തോന്നി..
" ആഹ് എന്നാൽ അമ്മയോട് പറഞ്ഞേരെ… ആ തലതെറിച്ചവൾ കെട്ടിയോനേം
