ക്രിക്കറ്റ്‌ ഫാൻ ഗേൾ

സെക്കന്റ്‌ നേരത്തേക്ക് പതറിപ്പോയി അമ്പയർ ഫ്രഡറിക്‌സ്, സമചിത്തത വീണ്ടെടുത്തു നോട്ടൗട്ട് എന്ന അർത്ഥത്തിൽ മെല്ലെ തലയാട്ടി… ടെലിവിഷന് മുന്നിൽ ഇരുന്നിരുന്ന ഇന്ത്യക്കാർ റിപ്ലേ കണ്ടു അമ്പയറുടെ തന്തക്കു വിളിച്ചു, ചിലർ തന്തയുടെ തന്തക്കും…പാകിസ്ഥാനികൾ ആശ്വാസത്തോടെ നിശ്വാസം വിട്ടു.. പ്ലംപ് എൽബിഡബ്ലിയു ആയിരുന്നു അതു!! ദൗർഭാഗ്യവശാൽ ഇന്ത്യക്കാർക്ക് റിവ്യൂ ഒന്നും ബാക്കി ഉണ്ടായിരുന്നില്ല. റ്റൂ ഇൻ റ്റൂ… പാകിസ്ഥാൻന്റെ ബെസ്റ്റ് ബാറ്റ്സ്മാൻ, ഇന്ത്യയുടെ ബെസ്റ്റ് ബൗളർ….സമീർ അലിയെന്ന പരിചയസമ്പന്നൻ, അക്ഷയ് വിക്രം എന്ന കുറുക്കൻ…ഇത്തരം സിറ്റുവേഷൻഇൽ എക്സ്പീരിയൻസ് നിർണായകമാണ്….അതു ശെരിയാണ് പക്ഷെ വിക്രം ഒരു സാധാരണ ബൗളർ അല്ല… അങ്ങനെ എന്തെല്ലാമോ കമന്റേറ്റർമാർ തള്ളി മറയ്ക്ക്ന്നുണ്ടായിരുന്നു… അടുത്ത പന്ത് എവിടെ പിച്ച് ചെയ്യിക്കണമെന്നു അക്ഷയ്ക്ക് കൃത്യമായ ധാരണ ഉണ്ടായിരുന്നു, കഴിവിനൊപ്പം ബുദ്ധിയും എപ്പോളും തെളിഞ്ഞിരിക്കുന്നത് കൊണ്ട് ചുരുങ്ങിയ കാലം കൊണ്ടു ലോകത്തെ ഏറ്റവും മികച്ച ബൗളർ ആയി അവൻ മാറിക്കഴിഞ്ഞിരുന്നു… താൻ നെറ്റിൽ പ്രാക്റ്റീസ് മണിക്കൂറുകളോളം ദിനവും പ്രാക്ടീസ് ചെയ്തത് വെറുതെയാവാൻ പാടില്ല….സമീർ വളരെ മികച്ച ബാറ്റ്സ്മാൻ ആണ്, താൻ ബൗൾ ചെയ്ത മികച്ച ബാറ്സ്മാന്മാരുടെ കൂട്ടതിൽ ആദ്യ മൂന്നു സ്ഥാനതെങ്കിലും വരുന്നയാൾ….പക്ഷെ അയാൾക്ക്‌ പ്രായം കൂടി വരികയാണ്…നോക്കാം! ലൈലയുടെ ഹൃദയമിടിപ്പ് കൂട്ടിക്കൊണ്ടു അക്ഷയ് തന്റെ റൺഅപ്പ്‌ തുടങ്ങി…. ഷോർട് ഓഫ് ഗുഡ് ലെങ്ത്ൽ ലാൻഡ് ചെയ്ത ആ ബോൾ പെട്ടെന്ന് ഉയർന്നു പൊങ്ങി സമീറിന്റെ തല ലക്ഷ്യമാക്കി പാഞ്ഞു ചെന്നു, അയാൾ സഹജവാസനയാൽ തന്റെ കൈ ഉയർത്തി ബോൾ തടയാൻ ശ്രമിച്ചു…ഗ്ലോവ്സ്ൽ കൊണ്ടു ഉയർന്നു പൊന്തിയ പന്ത് കീപ്പർ നിഷ്പ്രയാസം കയ്യിലൊതുക്കി.. സ്റ്റേഡിത്തിൽ ഇന്ത്യക്കാർ ഇരിക്കുന്ന ഭാഗം ഇളകി മറിഞ്ഞു…. വിസിലടിയും, ചെണ്ടകൊട്ടും, കൊമ്പും കുഴലുമൊക്കെയായി ബഹളമയം… ലൈല ഇരുന്നിരുന്ന ഭാഗം, മരണം നടന്ന വീട് പോലെ ആയി….തുള്ളിച്ചാടാനുള്ള ആവേശം അവൾ പണിപ്പെട്ടു അടക്കി.. "നായിന്റെ മോൻ കാശു വാങ്ങി ഔട്ട്‌ ആയതാണ്…ഇതെല്ലാം പണം മുടക്കി കാണുന്ന നാമൊക്കെ പൊട്ടന്മാർ..!! " ഏതോ ഒരുത്തൻ വിളിച്ചു കൂവി. "ഇവൻ മാത്രമല്ല മറ്റുള്ളവന്മാരും