ആദ്യ ദിവസത്തിന്റെ ടെൻഷൻ “ഏത് സെക്ഷനിൽ ആണെന്ന് വല്ലതും പറഞ്ഞിരുന്നൊ? പ്രവീണിനോട് സുനിൽ ചോദിച്ചു. “ഇല്ല. ഇന്ന് പറയാം എന്നാണ് പറഞ്ഞത്.” പ്രവീൺ പതിഞ്ഞ സ്വരത്തിൽ പറഞ്ഞു. “എന്നാൽ നോട്ടീസ്ബോർഡ് നോക്കാം’ സുനിൽ പറഞ്ഞു ഞങ്ങൾ അഡ്മിനിസ്ട്രേഷന്റെ നോട്ടീസ്ബോർഡിനടുത്തേക്ക് നടന്നു.
അവിടെന്ന് അവന്റെ ക്ലാസ്മുറി എതാണെന്ന് നോക്കിയെടുത്ത് ഞങ്ങൾ അവനെ ഓറിയന്റേഷൻ നടക്കുന്ന കോൺഫറൻസ് ഹാളിലേക്ക് കൊണ്ട് വിട്ടു. അവിടെ എത്തി ഞാൻ ഉള്ളിലേക്ക് കയറി ഒന്ന കണ്ണോടിച്ചു. അതാ അവളിരിക്കുന്നു. രണ്ടാമത്തെ വരിയിൽ ഒരു മൂലക്ക്, ഡെസ്ക്കിൽ വെച്ച പുസ്തകങ്ങളിൽ കണ്ണുകൾ നട്ട്. പെട്ടെന്ന് ആരോ എന്റെ തോളിൽ തട്ടി. പ്രിൻസിപ്പൾ. പിന്നാലെ കരടിയും.
” എന്താടൊ ഇവിടെ ചുറ്റിക്കറങ്ങുന്നേ. തനിക്ക് ക്ലാസൊന്നും ഇല്ലേ? പ്രിൻസിയുടെ ചോദ്യത്തിൽ ഞാനൊന്ന് തപ്പി. “എന്റെ ഒരു ബന്ധ ഫസ്റ്റ് ഇയറിന് ചേർന്നിട്ടുണ്ട് സർ പ്രവീൺ. അവനെ ഇവിടെ കൊണ്ട് വിടാൻ വന്നതാ’ സുനിൽ ഇടക്ക് കയറി പറഞ്ഞു. സുനിലിനെ പിന്താങ്ങുന്നത് പോലെ പ്രവീൺ കൈ പൊക്കി “ങാ.. ശരി ശരി. റാഗിങ്ങ് എന്നു പറഞ്ഞ നാടകങ്ങളൊക്കെ
കൊണ്ട് ഇങ്ങ വന്നേക്കരുത് എന്ന് കൂട്ടുകാരോടൊക്കെ പറഞ്ചേരേ കേട്ടൊ. അങ്ങനെ വല്ലതും ചെയ്യുന്നവനെ എന്റെ കയ്യിൽ കിട്ടിയാൽ..” പ്രിൻസി ഒരു താക്കീതിന്റെ സ്വരത്തിൽ നിർത്തി ‘ഏയ് ഞങ്ങൾ ആൻറിറാഗിങ്ങ് കമ്മിറ്റി മെംബേഴ്സ് ആണ് സർ’ സുനിൽ അടിച്ച് വിട്ടു. ” എന്നാൽ ഞങ്ങൾ. ? ഞങ്ങൾ വേഗം അവിടെന്ന് മുങ്ങി. നല്ല പുള്ളിയുടെ കയ്യിലാണ് ചെന്നു പെട്ടത്. ഇത്തവണ റാഗിങ്ങ് നടത്താൻ സമ്മതിക്കില്ല എന്ന് അച്ചട്ടുറപ്പിക്കാനായിട്ടാണ് കോളേജിന്റെ തന്നെ പേടിസ്വപ്നമായ കരടിയേയും കൂടി പ്രിൻസി ഓറിയന്റേഷൻ കമ്മിറ്റിയിൽ ഇട്ടിരിക്കുന്നത്. ഒരു രഹസ്യ ആൻറിറാഗിങ്ങ് കമ്മിറ്റിയും ഉണ്ടാക്കി. അതിലെ മെംബേഴ്സ് ആരാണെന്ന് പ്രിൻസിക്കും കരടിക്കും പിന്നെ പ്രിൻസിയുടെ പി.ഏ. സതിയേടത്തിക്കും മാത്രമേ അറിയൂ. റാഗിങ്ങ് നടത്തുന്നവരെ കണ്ടുപിടിക്കാൻ ലക്ചറേഴ്സിനെ കൂടാതെ ഞങ്ങളുടെ ഇടയിൽ നിന്നു തന്നെ ചാരന്മാർ. ഓരോ വർഷങ്ങൾ കഴിയുമ്പോഴും റാഗ് ചെയ്യുന്നവരുടെ ബുദ്ധിമുട്ടുകൾ വർദ്ധിക്കുന്നതേയുള്ളൂ. ഞങ്ങൾ ക്ലാസ്സുകളിലേക്ക് നടന്നു.
പിന്നത്തെ രണ്ട് ദിവസങ്ങൾ അങ്ങനേ കടന്നുപോയി. ദിവസവും
