"’രെജിത്തേട്ടാ….ഒന്നൂടെ ഒന്ന് ആലോചിച്ചിട്ട് പോരെ ബോംബെക്ക് പോകുന്നത് ?എനിക്കെന്തോ ഇപ്പോഴും ഒരു സുഖം തോന്നുന്നില്ല ""
"’ നീ പോ മോളെ …. അച്ഛനല്ലേ ?… രണ്ടാനമ്മ ആണെങ്കിലും അവർ ഒരു പാവം ആണെന്ന് തോന്നുന്നു ഫോണിലൂടെയുള്ള സംസാരം കേട്ടിട്ട് . ഫോട്ടോയിലോക്കെ കാണുമ്പോൾ അത്ര തോന്നില്ലെങ്കിലും .ഇതിപ്പോ നമ്മുടെ കാര്യമായി പോയില്ലേ . മുംബയിൽ തനിച്ചു താമസിക്കുന്നതിലും നല്ലതല്ലേ അവരുടെ കൂടെ ?’ നീ ഇങ്ങോട്ട് വന്നാൽ നമുക്ക് ഇവിടെ സെറ്റിലാകാല്ലോ"’
കോളേജിൽ രെജിത്തിന്റെ ജൂനിയർ ആയിരുന്ന ശ്രീജയും രെജിത്തും പ്രേമവിവാഹം ആയിരുന്നു .
കോഴ്സ് കഴിഞ്ഞ് ദുബൈയിലേക്ക് പോയ രജിത്ത് ശ്രീജയുടെ വീട്ടിൽ വിവാഹം ആലോചിക്കുന്നു എന്നറിഞ്ഞപ്പോൾ ലീവ് എടുത്തു വന്നു രജിസ്റ്റർ മാര്യേജ് ചെയ്യുകയാണുണ്ടായത്
വെറും അഞ്ചു ദിവസത്തെ എമർജൻസി ലീവിനെത്തിയ അവൻ തന്റെ വീട്ടിൽ ശ്രീജയെ തനിച്ചാക്കി ദുബൈക്ക് മടങ്ങി.
രജിത്തിന് അച്ഛൻ ആണുള്ളത് .
അവൻറെ അമ്മ രണ്ടുവർഷം മുൻപ് മരിച്ചു.
ബോംബെയിൽ ഒരു കമ്പനിയിൽ ജോലിയുള്ള അച്ഛൻ അമ്മ മരിച്ച ഒന്നരവർഷം കഴിയുന്നതിനു മുമ്പേ വേറെ കെട്ടി എന്നറിഞ്ഞപ്പോൾ
അവന് വന്ന സങ്കടവും ദേഷ്യവും വളരെ വലുതായിരുന്നു
അതുകൊണ്ടുതന്നെ അച്ഛനോട് പിന്നീട് അധികം കോൺടാക്റ്റുകൾ ഉണ്ടായിരുന്നില്ല.
എന്നാൽ രണ്ടാനമ്മ അവനെ ഇടയ്ക്ക് വിളിക്കുകയും വിവരങ്ങൾ തിരക്കുകയും ചെയ്തു. അവർ ശ്രീജയുടെ നമ്പർ മേടിച്ചു അവളെയും വിളിക്കാറുണ്ടെന്ന് ശ്രീജയും പറഞ്ഞിരുന്നു .
ഇപ്പോൾ ദുബൈയിലേക്ക് ഒരു കമ്പനിയുടെ ഇൻറർവ്യൂ ലെറ്റർ ശ്രീജയ്ക്ക് വന്നിരിക്കുന്നത് മുംബയിൽ നിന്നാണ് .
ഇന്റർവ്യൂ പാസായി മെഡിക്കലും കഴിഞ്ഞു സെലക്ട് ആയാൽ ഒരാഴ്ചത്തെ ഒരു ട്രെയിനിങ് പീരിയഡ്, അതുകഴിഞ്ഞാൽ രെജിത്തിന്റെ അടുത്തേക്ക് ദുബൈയിലേക്ക് പോകാമെന്നതിനാൽ ശ്രീജക്കും ഉത്സാഹമായിരുന്നു
എന്നാൽ കേട്ടുകേൾവി മാത്രമുള്ള അച്ഛന്റെയും രണ്ടാനമ്മയുടെയും അടുത്തേക്ക് പോകാൻ അവൾ എന്തുകൊണ്ടോ മടിച്ചു.
ആ ഒരാവശ്യം അല്ലായിരുന്നെങ്കിൽ രെജിത്തും ഒരുപക്ഷേ സമ്മതിക്കില്ലായിരുന്നു
വൈകീട്ടത്തെ ഫ്ലൈറ്റിന് ടിക്കറ്റെടുത്ത് രെജിത്ത് ശ്രീജയെ വിളിച്ചപ്പോൾ ആണ് അവൾ വീണ്ടും മടി പറഞ്ഞു ഇപ്പോൾ നിൽക്കുന്നത്
എന്നാൽ വീണ്ടും രെജിത്തിന്റെറെ നിർബന്ധത്തിനു വഴങ്ങി
