നല്ല ക്ഷീണമായിരുന്നു. അറിയാതെ ഉറങ്ങിപ്പോയി", സഫിയ പറഞ്ഞു.
"ഉം", ലൈല ഒന്ന് ഇരുത്തി മൂളിയിട്ടു കാപ്പി കുടി തുടർന്നു.
സഹീർ തന്നെ സപ്പോർട്ട് ചെയ്തു എന്തേലും പറയും എന്ന് കരുതി അവിടെ നിന്ന സഫിയ നിരാശയായി.
അല്പം കഴിഞ്ഞു സഫിയ പോയി ഫ്രഷ് ആയി വന്നപ്പോഴേക്കും ലൈല കഴിച്ചു കഴിഞ്ഞു പോയിരുന്നു. സഹീർ കഴിച്ചു കൊണ്ടിരുന്നു.
"അല്ല ഇക്കാ, എന്താ റെഡി ആയിട്ടിരിക്കുന്നത്?". പുറത്തു പോകാനുള്ള വേഷത്തിൽ ഇരിക്കുന്ന സഹീറിനെ കണ്ടിട്ട് സഫിയ ചോദിച്ചു.
"മില്ലുകളിൽ ഒക്കെ പോകണം", സഹീർ പറഞ്ഞു.
"ഇന്നോ? കുറച്ചു ദിവസം കഴിഞ്ഞു പോയാൽ പോരെ?",സഫിയ ചോദിച്ചു.
"ഇവിടെ ഇരുന്നിട്ട് എന്ത് ചെയ്യാനാ? കാര്യങ്ങളൊക്കെ പിന്നെ ആര് നോക്കും?", അങ്ങോട്ട് വന്ന ലൈല ചോദിച്ചു.
സഫിയ ഒന്നും മിണ്ടിയില്ല. ഇതും കേട്ട് കൊണ്ട് വന്ന ഖാദർ ഹാജി ലൈലയോടു ചോദിച്ചു,
"അവനെ എന്തിനാ ഇന്ന് തന്നെ പറഞ്ഞു വിടുന്നെ? ഞാൻ ആ മൊയ്ദീനേ പറഞ്ഞു വിടാം".
"അത് വേണ്ട. നീ വേഗം കഴിച്ചു കഴിഞ്ഞു പോകാൻ നോക്ക്", ലൈല സഹീറിനോടായി പറഞ്ഞിട്ട് അടുക്കളയിലോട്ടു പോയി.
സഹീറും ഹാജിയും ഒന്നും മിണ്ടിയില്ല. ലൈലയാണ് ഭരണം എന്ന് സഫിയായ്ക്കു
മനസിലായി.
സഹീർ കഴിച്ചു കഴിഞ്ഞിട്ട് പോയപ്പോൾ ഹാജി പറഞ്ഞു, "മോളെ. നീ കഴിക്കു".
"കഴിക്കാം ഉപ്പാ", അവൾ പ്ളേറ്റ് എടുത്തു കൊണ്ട് പറഞ്ഞു. ഇഡലി എടുത്തു കൊണ്ട് സഫിയ ആലോചിച്ചു.
ഉമ്മ പറയുന്നിടത്തു നിൽക്കുന്ന തന്റെ ഭർത്താവിന്റെ കൂടെയുള്ള ജീവിതം എങ്ങനെയാകുമോ? ഉപ്പ കുഴപ്പമില്ലാന്നു തോന്നുന്നു.
എങ്കിലും ഉപ്പക്കും ലൈലയെ അല്പം പേടിയാണെന്ന് തോന്നുന്നു.
സഫിയ കഴിച്ചു കൊണ്ടിരുന്നപ്പോൾ സഹീർ വന്നു പുറത്തോട്ടു പോയി. സഫിയ ഏഴുന്നേറ്റു ചെന്നെങ്കിലും എന്തെങ്കിലും ചോദിക്കുന്നതിനു മുമ്പേ സഹീർ കാറിൽ കയറി പോയി.
സഹീർ അന്ന് വന്നപ്പോൾ ഇരുട്ടി. ഫുഡ് വിളമ്പി വെച്ച് സഫിയ ഡൈനിങ് ടേബിളിൽ കാത്തിരുന്നു. സഹീർ വന്നിരുന്നു ഒന്നും മിണ്ടാതെ കഴിച്ചിട്ട് എഴുന്നേറ്റു പോയി.
സഫിയ പുറകെ ബെഡ്റൂമിലേക്ക് പോയി. ചെന്നപ്പോൾ സഹീർ ഒരു ഗ്ലാസ്സിലേക്കു എന്തോ ഒഴിക്കുന്നത് കണ്ടു. ഒന്ന് കൂടെ നോക്കിയപ്പോൾ അത് ഒരു ബ്രാണ്ടി കുപ്പിയാണെന്നു മനസിലായി.
"അയ്യോ. ഹറാമല്ലേ?", സഫിയ വിചാരിച്ചതു അറിയാതെ വായിൽ നിന്നും പുറത്തു ചാടി.
"നീ എന്നെ പഠിപ്പിക്കാൻ നോക്കണ്ട", സഹീർ മുരണ്ടു.
അന്നും സഹീർ
