"അളിയാ ഓടി ചെല്ല്..ദോ കിടക്കുന്നു എറണാകുളം സൂപ്പര്‍ ഫാസ്റ്റ്"
ചേര്‍ത്തല ബസ് സ്റ്റാന്റിനു പുറത്ത് ബൈക്ക് നിര്‍ത്തി എന്റെ സുഹൃത്ത് സുരേഷ് പറഞ്ഞു. വൈകിട്ട് ആറരയായിരുന്ന ആ സമയത്ത് ഞാന്‍ ചാറ്റമഴ നനഞ്ഞുകൊണ്ട് ബാഗുമായി ഓടിച്ചെന്ന് ബസില്‍ കയറി. ബസില്‍ സാമാന്യം നല്ല തിരക്കുണ്ടായിരുന്നു. ഉള്ളില്‍ കയറിയ ശേഷം ഞാന്‍ റോഡിലേക്ക് നോക്കി അവനെ കൈവീശിക്കാണിച്ചു.
"മുന്‍പോട്ടു നീങ്ങി നില്‍ക്കൂ.."
കണ്ടക്ടറുടെ കനത്ത ശബ്ദം ഞാന്‍ കേട്ടു. ഞാന്‍ നില്‍ക്കുന്നിടത്ത് കുറെ പുരുഷന്മാരുണ്ട്. സ്ത്രീകളുടെ ഏരിയ ആണ് സംഭവസ്ഥലം. അവിടെത്തന്നെ ചുറ്റിത്തിരിഞ്ഞ അണ്ണന്മാരെ കണ്ടക്ടര്‍ മുന്‍പോട്ടു നീക്കിയപ്പോള്‍ അവരുടെ പിന്നിലായി ഞാനും നീങ്ങി.
"ടിക്കറ്റ്.." കണ്ടക്ടര്‍ അരികില്‍ എത്തിയപ്പോള്‍ ഞാന്‍ ടിക്കറ്റ് എടുത്തു.
"അല്പം കൂടി മുന്‍പോട്ടു നീങ്ങ്‌ അനിയാ"
ഒരു പ്രായമായ സ്ത്രീയുടെ പിന്നില്‍ നിന്നിരുന്ന എന്നോട് കണ്ടക്ടര്‍ പറഞ്ഞു. ഞാന്‍ ടിക്കറ്റ് വാങ്ങിയ ശേഷം ആ സ്ത്രീയെ മറികടന്ന് മുന്‍പിലെത്തി. കണ്ടക്ടര്‍ അങ്ങനെ പറഞ്ഞില്ലായിരുന്നു എങ്കില്‍, ഇത് എനിക്ക്
എഴുതേണ്ടി വരില്ലായിരുന്നു എന്നതാണ് സത്യം.
മുന്‍പോട്ടു നീങ്ങിയ എന്റെ മുഖം ഒരു കാട്ടില്‍ അകപ്പെട്ടതുപോലെ ആദ്യമെനിക്ക് തോന്നി. മനംമയക്കുന്ന ഗന്ധമുള്ള തഴച്ചു വളര്‍ന്ന, പിന്‍ഭാഗം മൊത്തം മറച്ചു വിടര്‍ന്നു കിടന്നിരുന്ന കാര്‍കൂന്തലില്‍ ആണ് എന്റെ മുഖം ആണ്ടുപോയിരുന്നത്. അഞ്ചടി ഒരിഞ്ചു മാത്രം ഉയരമുള്ള എന്റെ തൊട്ടുമുന്‍പില്‍ എന്നേക്കാള്‍ രണ്ടോ മൂന്നോ ഇഞ്ചുയരമുള്ള, നീലസാരി ധരിച്ച ഒരു സ്ത്രീയാണ് നിന്നിരുന്നത്. അവരുടെ മുടിയിലാണ് എന്റെ മുഖം അമര്‍ന്നു പോയത്. എന്റെ സ്പര്‍ശനം അറിഞ്ഞതോടെ അവര്‍ തിരിഞ്ഞൊന്നു നോക്കി. സത്യം പറയാമല്ലോ..ഞാന്‍ അമ്പരന്നുപോയി ആ സൌന്ദര്യം കണ്ട്! നല്ല കൊത്തി വച്ചതുപോലെയുള്ള തുടുത്ത് സുന്ദരമായ മുഖം. എനിക്ക് അവരുടെ കഴുത്ത് വരെ മാത്രമേ ഉയരമുണ്ടായിരുന്നുള്ളൂ. തിരിഞ്ഞ് എന്നെ നോക്കിയ അവരുടെ ചുണ്ടില്‍ ഒരു ചെറുചിരി തത്തിക്കളിക്കുന്നത് കണ്ടതുപോലെ എനിക്ക് തോന്നി. അവര്‍ പഴയപടി നിന്നപ്പോള്‍ ഞാന്‍ എന്റെ നില്‍പ്പ് അവരുടെ പിന്നില്‍ത്തന്നെ എന്നുറപ്പിച്ചു.
"ചേട്ടാ..അല്‍പ്പം മുന്‍പോട്ടു നീങ്ങ്‌..പിന്നില്‍ സ്ഥലമില്ല"
