ചേർന്നുകാണുമെന്നെനിക്കറിയാം. ആയതിനാൽ നീ തന്നെ ഞങ്ങളുടെ ഗായിടും പൂജാരിയും രക്ഷകർത്താവും എല്ലാമെല്ലാം. ഈ എഴുത്തു കിട്ടിയാലുടൻ എന്നെ ഈ ഫോണിൽ വിളിക്കുക. നിന്റെ മടിയെല്ലാം കളഞ്ഞിട്ട് ഒന്നെഴുന്നേൽക്കടാ..സീ യൂ സൂൺ, നിന്റെ നിഖിൽ.
നിഖിൽ.അവന്റെ മമ്മി.ഇവരെ എവിടെ താമസിപ്പിക്കും? ബോലാറാമിനോടാരാഞ്ഞു.
ഭായീ..ഞങ്ങളുടെ ഗ്വാളിയറിലെ രാജാവുണ്ടാക്കിയ സത്രം ഇവിടുണ്ട്. ഇപ്പോൾ യാത്രക്കാരുടെ സീസൺ തുടങ്ങിയിട്ടില്ല. അവിടെ എന്റെ പരിചയക്കാരനാ മാനേജർ. ഇവിടെ അടുത്താ.കണ്ടുകാണും.
ഓ.എനിക്കോർമ്മ വന്നു. ചുവന്ന കല്ലുകൾ കൊണ്ടുണ്ടാക്കിയ കെട്ടിടം, ഗംഗയുടെ അടുത്ത് ശരി. ആദ്യം പോയി നോക്കി സ്ഥലം ശരിയാക്കിയിട്ട് നിഖിലിനെ വിളിക്കാം.
രണ്ടുമുറിയും ചേർന്നുള്ള കുളിമുറിയുമുള്ള കൊച്ചു സ്വീറ്റുകൾ..നന്നായിരിക്കുന്നു. കാശിയുടെ നിലവാരം വെച്ചു നോക്കുമ്പോൾ എത്ര വൃത്തി. ഇതു മതി. മാനേജരോടു പറഞ്ഞ് നിഖിൽ എന്നു വരുന്നുവോ, അന്നുമുതൽ മൂന്നു ിവസത്തേക്ക് ബുക്കു ചെയ്തു. അതിൽക്കൂടില്ല, താമസം എന്നെനിക്കു തോന്നി
നിഖിലിനെ വിളിച്ചു. അവൻ ഹാപ്പിയായി നാളത്തെ ട്രെയിനിൽ കൽക്കത്ത
വിടാമെന്നും മറ്റന്നാൾ രാവിലെ കാണാമെന്നും പറഞ്ഞു.
ഭായീ..താങ്കൾ സത്രത്തിൽ തങ്ങുന്നതാ നല്ലത്. ഹോസ്റ്റലിൽ നിന്നിതുവരെ അല്ലെങ്കിൽ എന്നും വരേണ്ടിവരും. ഞാൻ ദിവസത്തിലൊരിക്കൽ വന്നു നോക്കിക്കോളാം. വരാൻ പറ്റിയില്ലെങ്കിൽ എന്തെങ്കിലും ആവശ്യമുണ്ടെങ്കിൽ ഹോസറ്റലിലേക്കു വിളിക്കാമല്ലോ.
ബോലാറാം പറഞ്ഞതിൽ കാര്യമുണ്ടെനെനിക്കു തോന്നി, സത്രത്തിലെ മുറിയിൽ അടുത്ത രാത്രി തങ്ങി. തുണികൾ ഒരു ബാഗിലാക്കി ബോലാറാം കൊണ്ടുവന്നു തന്നു. അവിടത്തെ വെജിറ്റേറിയൻ ശാപ്പാട് തരക്കേടില്ല.
കാലത്തെഴുന്നേറ്റ് ഗംഗയിൽ മുങ്ങി. എന്നിട്ട് ഒരു ടാക്സിയിൽ സ്റ്റേഷനിലേക്കു വിട്ടു. റോഡിൽ തിരക്ക് തുടങ്ങിയിട്ടില്ല. സ്റ്റേഷനിൽ നിന്ന് മൺപാത്രത്തിൽ ഇഞ്ചിയിട്ട ഒരു ചായയും വാങ്ങി ഞാൻ കൽക്കത്തയിൽ നിന്നുമുള്ള വണ്ടിയുടെ പ്ലാറ്റ്ഫോമിലേക്കു നീങ്ങി. ഒരു ബീഡി കത്തിച്ചു വലിച്ചു. ഒരുണർവ്വ തോന്നി
പ്ലാറ്റ്ഫോമിൽ നിഖിൽ പറഞ്ഞിരുന്ന ഫസ്റ്റ് ക്ലാസ്സ് ബോഗി നിൽക്കുന്ന സ്ഥലം കണ്ടുപിടിച്ചു. മലയാളികൾ പേറ്റന്റെറടുത്ത്, ഒറ്റക്കാലിൽ കൊക്കിനെപ്പോലെയുള്ള പോസിൽ ഞാൻ തൂണും ചാരി നിന്നു.
ട്രെയിനിന്റെ
