പോയി ഒരിടവഴിയെ വലത്തേക്ക് കയറി കാർ നിന്നത് , ചെറുതെങ്കിലും മനോഹരമായ ഒരു വില്ലയിലേക്കായിരുന്നു . പണി തീർന്നു കിടക്കുന്ന സമാന രീതിയിലുള്ള അനേകം വില്ലകൾ ആ ഭാഗത്തുണ്ടായിരുന്നു .
"‘ഇറങ്ങ് സുലു …"" കാറിൽ നിന്നിറങ്ങി ഡോർ തുറന്നിട്ട് യാസീൻ പറഞ്ഞപ്പോൾ ഒട്ടൊന്ന് ശങ്കിച്ചെങ്കിലും സുലു പുറത്തേക്കിറങ്ങി . യാസീൻ കാറിന്റെ പുറകിലെ സീറ്റിൽ നിന്ന് രണ്ടുമൂന്ന് കവറുകൾ എടുത്ത് വീട്ടിലേക്ക് കയറി , കീകൊണ്ട് വാതിൽ തുറന്നു .
"‘വാ സുലു …"‘ യാസീൻ വീട്ടിനകത്തേക്ക് ക്ഷണിച്ചപ്പോൾ സുലു ഒന്ന് മടിച്ചു . താക്കോൽ കൊണ്ട് യാസീൻ തുറന്നാൽ ഇവിടെയാരുമില്ലായെന്നുറപ്പായി . തിരികെ പോകണോ ?യാസീനെ ഒരു നോക്ക് കാണാനുള്ള കൊതികൊണ്ടല്ലേ താൻ വന്നത് ., ഇപ്പോഴിതാ അവനും താനും തനിച്ചൊരു വീട്ടിൽ …
"‘ യാസീ …""
"‘വലത് കാൽ വെച്ച് …"‘ സുലു അകത്തേക്ക് കയറാൻ മടിച്ചു നോക്കിയപ്പോൾ അവൻ അവളുടെ കൈ പിടിച്ചു പറഞ്ഞു . സുലേഖ അവന്റെ കൈകളിൽ കൈ കോർത്തകത്തേക്ക് കയറി .
"‘ ഇരിക്ക് ഒരു മിനുട്ട് …""‘ യാസീൻ ഇറക്കുമതി ചെയ്ത സോഫ സെറ്റ് ചൂണ്ടി കാണിച്ചിട്ടകത്തേക്ക് നടന്നു .
തീക്കനലിൽ ഇരിക്കുന്നപോലെയാണവൾ
സോഫയിൽ ഇരുന്നത് . മുകളിലെ ഫാൻ അഗ്നി പരത്തുന്നത് പോലെ തോന്നി . പർദ്ദക്കകത്തവളുടെ ശരീരം വെട്ടിവിയർത്തു .
"‘സുലു .. ഒന്നിങ്ങ് വാ "‘ യാസീൻ ഒരു മുറിയുടെ വാതിൽക്കൽ നിന്ന് വിളിച്ചപ്പോൾ സുലേഖ എഴുന്നേറ്റെങ്കിലും മുന്നോട്ട് നീങ്ങിയില്ല .
"‘പ്ലീസ് ..വാടോ .. "‘ യാസീൻ അവളുറെ അടുത്തേക്ക് വന്നു കൈ പിടിച്ചു .അവളാകെ വിറക്കുന്നുണ്ടായിരുന്നു ..
ആ വാതിൽ കടന്ന് അകത്തേക്ക് കയറിയ സുലേഖ ഒന്ന് നിശ്വസിച്ചു . ഫർണീഷ് ചെയ്ത ഒരു കിച്ചൻ ആയിരുന്നു അത് .
"" ഇന്നീ വീടിന്റെ പാല് കാച്ചലാണ് .. തീ കത്തിക്കൂ .."‘ യാസീൻ പറഞ്ഞപ്പോൾ സുലേഖ അവനെ ഞെട്ടി നോക്കി .
""‘ നീയായിരുന്നു എന്റെ സ്വപ്നത്തിലെ പെണ്ണ് .നിന്നെ കെട്ടാനാണ് ഞാൻ കൊതിച്ചത് . നിന്റെ കൂടെ ഈ വീട്ടിൽ ജീവിക്കാനാണ് ഞാനീ വീടിന് അഡ്വാൻസ് കൊടുത്തത് . മിന്ന് കെട്ടിയിട്ടില്ലന്നെ ഉള്ളൂ .. വലത് കാൽ വെച്ചെന്റെ പെണ്ണ് അകത്തേക്ക് കയറി . ഇനി പാല് കാച്ചൽ …""
"‘യാസീ …"‘സുലേഖ ഒന്ന് പതറി .
"പ്ലീസ് ..'"‘ അരിഞ്ഞു വെച്ചിരിക്കുന്ന പഴം പാലിൽ ഇട്ടവൻ സ്ററൗവ്വിനു മുകളിലേക്ക് വെച്ച് ലാമ്പ് അവളുടെ നേരെ നീട്ടി .
"" സമയമോ സന്ദർഭമോ ഒന്നും നോക്കണ്ട
