തിളങ്ങുന്ന സ്വര്‍ണ്ണമാല. ദുപ്പട്ട കൊണ്ട് മറച്ചിട്ടും, ഫയല്‍ അധികകവചം തീര്‍ത്തിട്ടും, മറയ്ക്കാന്‍ സാധിക്കാത്ത എടുപ്പോടെ നില്‍ക്കുന്ന മുലകള്‍.
അധികം താഴേയ്ക്ക് ഞാന്‍ കണ്ണുകളെ വിട്ടില്ല. രക്തം വല്ലാതെ ചൂടായിരിക്കുന്നു. അവള്‍ വന്നുകയറിയ നിമിഷം മുതല്‍ മുറിയില്‍ ഉന്മാദം പകരുന്ന ഒരുതരം പരിമളം നിറഞ്ഞിരിക്കുകയാണ്. പുറത്ത് സോഫയില്‍ ചടഞ്ഞിരിക്കുന്ന, ഒരു മന്ദബുദ്ധിയുടെ ഭാവമുള്ള ആനക്കാരനെ നോക്കിയിട്ട് ഞാന്‍ അവളോട്‌ ഇരിക്കാന്‍ ആംഗ്യം കാട്ടി. അവള്‍ ഇരുന്നു.
"സിവി.." ഞാന്‍ പറഞ്ഞു.
അവള്‍ തിടുക്കത്തോടെ ഫയല്‍ തുറന്ന് സിവി എന്റെ നേരെ നീട്ടി. ആ തുടുത്ത വിരലുകള്‍ വിറയ്ക്കുന്നുണ്ടായിരുന്നു.
ഇരുപത്തിയഞ്ച് വയസ്സ്; ഞാന്‍ അവളുടെ ജനനദിവസം നോക്കി മനസ്സില്‍ കണക്കുകൂട്ടി. നാട്ടിലെ സ്ഥലവും ഭര്‍ത്താവിന്റെ പേരും എല്ലാം ഞാനറിഞ്ഞു. മറ്റൊന്നും, അവളുടെ വ്യക്തിപരമായ വിവരങ്ങള്‍ ഒഴികെ മറ്റൊന്നും ഞാന്‍ നോക്കിയില്ല. അതൊക്കെ ഓണ്‍ലൈനില്‍ ലഭിച്ച സമയത്ത് ഓടിച്ചു നോക്കിയിരുന്നു.
"ഭര്‍ത്താവ് എന്ത് ചെയ്യുന്നു?" അതായിരുന്നു എന്റെ ആദ്യ ചോദ്യം.
"ഒരു
കമ്പനീല്‍ ടെക്നീഷ്യന്‍ ആണ് സര്‍"
"ഗുഡ്, സവിതയ്ക്ക് പ്രീവിയസ് എക്സ്പീരിയന്‍സ് ഇല്ല. അതൊരു പ്രശ്നമാണ്"
പെട്ടെന്നവളുടെ മുഖം വാടി. പ്രതീക്ഷ നശിച്ചതുപോലെ അവള്‍ മുഖം കുനിച്ചു.
"എത്ര നാളായി ഇവിടെ" അവളുടെ മോഹിപ്പിക്കുന്ന സൌന്ദര്യം കോരിക്കുടിച്ചുകൊണ്ട് ഞാന്‍ ചോദിച്ചു.
"ആറുമാസം"
"വേറെ ജോലിക്ക് ട്രൈ ചെയ്തിരുന്നോ"
"ഉം"
കുറെ ഇന്റര്‍വ്യൂ കൊടുത്തിട്ടുണ്ടാകും; ഞാനോര്‍ത്തു. സൌന്ദര്യം ഉണ്ടെന്നല്ലാതെ ഒരു ചുക്കും ചുണ്ണാമ്പും ഇവള്‍ക്കറിയില്ല. എന്നെപ്പോലെ ഏതെങ്കിലും ദുരാഗ്രഹി മാത്രമേ ഇവള്‍ക്ക് ജോലി നല്‍കൂ എന്നെനിക്ക് അറിയാമായിരുന്നു. അതുകൊണ്ട് ജോലി കിട്ടാനുള്ള സാധ്യത ഇനിയില്ല എന്നൊരു ചിന്തയില്‍ എത്തിയിട്ടുണ്ടാകണം ഇവള്‍. അതാണീ നിരാശ.
"എന്തായാലും ഞാന്‍ വിളിക്കാം." ഞാന്‍ പറഞ്ഞു.
"വിളിക്കുമോ സര്‍? ചേട്ടന്റെ മാത്രം സാലറി കൊണ്ട് പറ്റുന്നില്ല" മടിച്ചുമടിച്ച് അവള്‍ പറഞ്ഞു.
എന്റെ മുഖത്തെ സൌഹൃദഭാവം ആയിരിക്കണം ആ തുറന്ന് പറച്ചിലിന്റെ പിന്നില്‍.
"ഷുവര്‍" ഞാന്‍ പുഞ്ചിരിച്ചു.
അവള്‍ മുഖമുയര്‍ത്തി എന്നെ നോക്കി ദുഖത്തോടെ തലയാട്ടി. പിന്നെ
