?’
” പെട്ടന്നൊ ..മണി പത്തരയായി …”
” എങ്കില്‍ ഒകെ… ശുഭ രാത്രി ..നാളെ കാണാം …ഈശ്വരാ മഴ പെയ്യണേ നാളേം ..”
” പെയ്യൂല്ല മോനെ .മോന്‍ കിടന്നുറങ്ങിക്കോ ..”
” ഹ്മം… അടുത്ത മഴക്കാലം വരെ ഓര്‍ക്കാനുള്ളതായി ..’
” എന്ത് ?”
” അല്ല …പഞ്ഞികൊണ്ടുള്ള ഇടിയും ..പിന്നെ ..”
” ഹ്മ്മം …വേണ്ട വേണ്ട ..ബാക്കി കേള്‍ക്കണോന്നില്ല .” ട്രീസ നെറ്റ് ഓഫ് ചെയ്തു …
””””””””””””””””””””””””””””””””””””””””””””’.
പിറ്റേന്ന് മഴയൊന്നും പെയ്തില്ല , ട്രീസ പോകുന്ന വഴി മിററിലൂടെ ആരെയോ ഇടക്കിടക്ക് നോക്കുന്നുണ്ടായിരുന്നു
ആര്‍ക്കെഡിന്‍റെ പാര്‍ക്കിങ്ങില്‍ വണ്ടി വെച്ചപ്പോള്‍ അടുത്ത് അപ്പുവിന്‍റെ ബൈക്ക് ഇരിക്കുന്നത് കണ്ടു .. അവള്‍ വണ്ടി പാര്‍ക്ക് ചെയ്തിട്ട് അവന്‍റെ കണ്ണാടിയില്‍ നോക്കി മുടി ശെരിയാക്കി , സാരിയും നേരേയാണോ എന്ന് നോക്കി നടന്നു .. പോകുന്ന വഴി ആ സീറ്റില്‍ അരുമയോടെയൊന്നു തഴുകാനും മറന്നില്ല …
സ്റെപ് കയറുമ്പോള്‍ ട്രീസക്ക് അന്ധാളിപ്പായിരുന്നു..
താനെന്താണ്‌ ഇങ്ങനെ കൊച്ചു കുട്ടികളെ പോലെ പെരുമാറുന്നതെന്ന് അവളോര്‍ത്തു … കണ്ണാടിയിലൂടെ തിരിഞ്ഞു നോക്കുക
.. എന്തിനാണ് താനവന്‍റെ സീറ്റില്‍ തൊട്ടത് ? ഹേ … ഇത് ശെരിയാവില്ല ..ഇനിയങ്ങനെയൊന്നും ചിന്തിക്കുകയേ അരുത് .. ട്രീസ ആലോചിച്ചുറപ്പിച്ചു മുന്നോട്ടു നടന്നെങ്കിലും അപ്പുവിന്‍റെ ഷോറൂമിന്‍റെ മുന്നിലെത്തിയപ്പോള്‍ അവള്‍ക്ക് നോക്കാതിരിക്കാനായില്ല …അവള്‍ കണ്ടു അവനെ .. കടും നീല ടിഷര്‍ട്ടും ഇട്ടവന്‍ കാഷില്‍ ഇരുന്നു കസ്റ്റമറുടെ മൊബൈലില്‍ പണിയുന്നത് … ട്രീസ തന്‍റെ സാരിയിലേക്ക് നോക്കി … അതും നീല കളര്‍ ..അവള്‍ മുന്താനിയില്‍ തെരൂപ്പിടിച്ചു നഖം കടിച്ചേന്തോ ആലോചിച്ചു ഓഫീസിലേക്ക് കയറി
അന്ന് ജയന്തി വന്നിട്ടുണ്ടായിരുന്നു .. അല്‍പം തിരക്കുണ്ടായിരുന്നത് കൊണ്ടവര്‍ക്ക് സംസാരിക്കാന്‍ പറ്റിയില്ല … ഇനിയെന്തായാലും അങ്ങനെയൊന്നും ചിന്തിക്കരുതെന്നു ട്രീസ ഉറപ്പിച്ചിരുന്നു ..എന്നാല്‍ ഉച്ചയോടെ ആ തീരുമാനത്തിന് വ്യതിചലനം ഉണ്ടായി …
ഉച്ചക്ക് ഊണും കഴിഞ്ഞു തങ്ങളുടെ സീറ്റിലിരുന്നു അല്‍പം വര്‍ത്തമാനം പറയുന്നത് പതിവാണ് രണ്ടാള്‍ക്കും … അടുതത്തടുത്താണ് ഇരിക്കുന്നതെങ്കിലും ഇടക്ക് വര്‍ത്തമാനം ഉണ്ടെങ്കിലും അല്‍പം സമയം കിട്ടുന്നത് അപ്പൊഴാണല്ലോ
